سقراطون

سقراطون عزيز محمد هو ديوان شعر بالعامية المصرية
"الساعه 12 بـ (كاتينه)
بتشفّ قلوب البنى آدمين
وتصب النار
على كل سبيكه بتصهرها
من معدن (وقت) لناس تانيين
ويبان الفرق مع الأسرار
فيه معادن تقدر تكسرها
ومعادن ممكن تخسرها
ومعادن تخسر مصدرها
ومعادن تجهل أسرارها
وأنا معدن إيه ؟؟؟؟
والقلب مصدّى بداء ال(ليه)؟؟؟؟؟؟؟؟؟؟
واشمعنى البنت برغم الفرق ما بين الطين
وما بين النور؟
لساها ف قلبى بتتخفّى
من خلف السور
علشان تتطمن على حالي
وأنا كلّى كسور
فازاى أنا شايف جوه ف نفسى (صلاح الدين)؟
وبخوض (حطّين)؟
واحيانا ببقى ف عز الدين بشبه ل(أبو جهل)
الموت لو كان له الخير ف الأهل
كان فكّر ييجى يريحنى
ولا أنا مش سهل ؟
عليّه أموووووووووووووووت
الساعه12 نضّاره
عدسه ل (سُقراط)
والتانيه ببصمة (أفلاطون)
بتبص عليّه بكل ثبات
واللى لابسها كان (سُقراطون)
"