الضريبة 40%

الضريبة 40% للشاعر احمد الطحان

للناس والحكاوي المتكرّرة
للّي جرّبُوني
وجرّبتُهم
ل فران التجارب بشكل عام
لأيّ فرقة فيها حرّيفة ومفيهاش انسجام
للنشيد
وللطابور
وللعلم
ولأيّ واحد اتخبط على ضهره ف لفّ. اتضرب بالقلم
للشعر. وطاووسُه
للناس اللي بيجلدها. مع إنها بتبوسُه
للّي علّمونا الشحاتة. وسبقونا بالغياب
للّيالي الرخيصة
والتعب
والعتاب
للّاوعي الحقيقي
والوعي الكدّاب