حكايات واحد تخين وآخرون

حكايات واحد تخين وآخرين (مجموعة قصصية ): على حمدى
العام 1998.
غدا أول أيام شهر رمضان. كنا نجلس فى مدخل العمارة نخطط لما سيحدث. محمود وكريم وأمجد وأنا ( عمر).
- احنا اتأخرنا اوى كان لازم نلم الفلوس من اسبوع احنا كده مش هنلحق نعمل حاجة.
قالها (كريم) الصديق الوفى - صاحب صاحبه - وهو يشعر بالضيق فنحن بالفعل متأخرين جدا كل الشوارع حولنا انتهت من تعليق الزينة والأنوار.
- هنلحق إن شاء الله. ولو حتى معرفناش نلم كل الفلوس اللى محتاجينها هروح لبابا الوكالة وهاخد منه لحد ما نخلص لم من كل الشقق.
كان هذا (محمود) ابن البلد الجدع وابن الحاج (عادل) صاحب وكالة لقطع الغيار الذى رغم غناه لم ينس اصله. قالها ليخفف حدة الموقف ويهون علينا قليلا مما نشعر به من قهر وذل أمام أصحابنا فى باقى الشوارع.