طلع راجل

سؤال لكل واحد.. مكتوب ف بطاقته راجل! هو انت عارف راجل يعني إيه؟! ولا انت عايش بس.. شارب نايم واكل ولو ف يوم صاحبت بنت على طول على صفحات صحابك يبقي خبر عاجل! وتتمنظر وتتمختر تقولشي يعني الواد بقي عنتر وتعيشلي في دور سي السيد وع الغلبانة تتشطر! تلبس إيه وتكلم مين وعليها بس تقول آمين! وانت مقضيها ف مقابلات ولسه في مواعيد بتتحضر ورنة تليفون بتتكنسل وخطة تانية على غيرها... بتتمثل! ورسالة من واحدة تالتة! ف تتقل عليها وتكسل